Print 

Fakafonu Ho’o  Foomu Tohi Kakai, Fakafonu Ho Tau Kaha’u

 Koe ta’u ‘e 10 kotoa pe, kuo pau ke hanga ‘ehe Pule’anga ‘Amelika ‘o lau ‘ae toko lahi ‘oe kakai ‘oku nofo ‘i ‘Amelika ni ‘o fakatatau kihe tu’utu’uni ‘ae Konisitutone, pea ‘oku fakahoko ‘ae fatongia ko ia ‘aki  hono fai ‘oe Tohi Kakai ‘a ia ‘oku ui koe “Census”.

Koe taumu’a ke kau mai ki ai ‘ae toko taha kotoa pe, ‘o ‘ikai fakalau ta’u, fa’ahinga kakai pe matakali, siasi pe tu’unga faka’imikuleisoni – kuo pau ke kau ‘ae toko taha kotoa pe.

‘Oku maatu’aki mahu’inga ke kau ‘ae toko taha kotoa pe he ‘oku kau fakahangatonu ‘ae Tohi Kakai ki hono vahevahe ‘oe $400 piliona ‘ihe ta’u ‘ehe Pule’anga ‘Amelika , kihe tokangaekina ‘oe mo’ui, ako, ngaahi polokalama tokoni’i ‘oe kakai.  ‘Oku ‘oatu ‘ehe Pule’anga ‘Amelika ‘ae $1,400 kihe toko taha kotoa pe kihe komiuniti ‘oku nofo ai.

Koe “data” pe mo’oni koia ‘oku ha ‘ihe ola ‘oe Tohi Kakai ‘oku fakafalala ki ai ‘a hono vahevahe ‘oe ngaahi sea pe fakfofonga kihe Fale Alea ‘ihe ngaahi siteiti (reapportionment) pea pehe foki kihe vahenga fonua fakafeitu’u (redistricting).

Ko ho’o kau mai kihe Tohi Kakai ‘oku faingofua, malu pea maatu’aki mahu’inga.  ‘E meili ‘ae foomu kihe ‘api kotoa pe ‘i ‘Amelika ni ‘i Ma’asi 2010.  ’Oku fiema’u ke fakafoki mai ’ehe ’api kotoa ’ae foomu kuo ’osi hono fakafonu ki mu’a ’i he ’aho 1 ’o ’Epeleli 2010.

Koeha hono ‘uhinga ‘oku ke fakafonu ai ‘ae Foomu Tohi Kakai 2010?

• ‘Oku kau fakahangatonu ‘ae “data” pe ngaahi mo’oni ‘oku ma’u mei he Tohi Kakai ‘i hono fakaha ‘oe ivi fakapolitikale ‘oe komiuniti.  Koe fakataataa – koe founga pe ia ‘e lava ai ke tala pe koe sea pe fakafofonga ‘e fiha ‘oku totonu ke ma’u ‘ehe feitu’u ‘o fakatatau ki hono toko lahi, pea ‘oku kau lahi foki eni ki ‘inasi ‘oe ngaahi siteiti, pea mo e ngaahi kolo.
• ‘Oku kau fakahangatonu ‘ae “data” pe ngaahi mo’oni ‘oku ma’u mei he Tohi Kakai ‘i hono vahevahe ‘oe $400 piliona ‘ihe ta’u ‘oku ‘omai ‘ehe Pule’anga ‘Amelika ke tokoni kihe ngaahi komiuniti kihe ako, feleleaki he hala, tokangaekina ‘oe mo’ui, pea moe ngaahi polokalama tokoni’i ‘oe kakai, hange koe ako lea faka-Pilitania, moe ako ngaue.
• ‘Oku faka’aonga’ ‘ehe ngaahi komiuniti ‘ae “data” pe koe ngaahi mo’oni ‘oku ma’u mei he Tohi Kakai, ke poupou’i ‘enau kole pa’anga kihe ngaahi kautaha (private & public) ke fakapa’anga ‘enau ngaahi ngaue ‘oku fai, hange koe ako lea faka-Pilitania, moe ako ngaue.
• Ko hono langa ‘oe ngaahi ‘api ako moe ngaahi naunau kihe ako ‘oku makatu’unga ia ‘ihe toko lahi ‘oe fanau ‘oku nofo ‘ihe feitu’u koia.
• ‘E hanga ‘ehe “data” pe koe ngaahi mo’oni ‘oku ma’u mei he Tohi Kakai ‘o fakaha kihe ngaahi pisinisi ‘oku nau fakataumu’a kihe kakai Hawaii moe ‘Otu Motu Pasifiki ‘ae feitu’u ‘oku nau toko lahi ai.
• ‘E hanga ‘ehe ngaahi falemahaki moe ngaahi kautaha ‘oku nau tokangaekina fakafaito’o ‘ae kau Hawaii moe kakai ‘oe ‘Otu Motu Pasifiki, ‘o ‘omai ‘ae kakai ‘oku nau lea ‘ihe ngaahi lea ko eni ke faka’aonga’I ke tokoni kihe kakai ‘oku nau tokangaekina.

‘Oku ‘oatu fakataha moe foomu ni ‘ae ngaahi fakahinohino ma’au mo ho famili, ngaahi maheni ke toe mahino ange ‘a hono mahu’inga ‘oe Tohi Kakai 2010.  ‘Oku kau heni ‘ae:

• Ngaahi fakataataa ‘oe fehu’i ‘e 10 ‘oku tu’u atu he foomu
• Feefee hono ma’u ‘oe Tokoni Faka-Lea
• Ngaahi fakataataa ‘oe fakahinohino pea moe ngaahi fakamo’oni
• Ngaahi tokoni kehe

Ko ho’o kau ‘ihe Tohi Kakai ‘oku faingofua, malu pea maatu’aki mahu’inga.