Print 

 तपाईँको जनगणना फारम भर्नुहोस्, हाम्रो भविष्य भर्नुहोस्

संविधानअनुसार, दसकमा एकपटक संघीय सरकारले संयुक्त राज्यमा बस्ने प्रत्येक व्यक्तिको गन्ती गर्नुपर्छ र यसले जनगणनाका माध्यमबाट सो कार्य गर्दछ।

उमेर, जाति, धर्म वा अध्यागमन हैसियत जेसुकै भएपनि पूर्ण सहभागिताको लक्ष राखिनेछ  – प्रत्येकले भाग लिनैपर्छ। 

स्वास्थ्य सेवा, शिक्षा तथा सामाजिक सेवा कार्यक्रमहरू लगायतका क्षेत्रहरूमा संघीय कोषको $400 विल्यन भन्दा बढीको वार्षिक सहायता रकममा प्रत्यक्ष असर गर्ने हुनाले प्रत्येकले भाग लिन जरुरी हुनेछ। गन्तीमा आउने प्रत्येक मानिसको अर्थ भनेको हाम्रो समुदायका लागि छुट्याइने संघीय कार्यक्रम कोषमा अर्को $1400 थप हुनु हो।

जनगणना तथ्यांक भनेको राज्यद्वारा  गरिने संसदीय स्थानको बांडफाँडको (रिअपोर्शनमन्ट) एकमात्र आधार पनि हो तथा महत्वपूर्ण रुपमा यसले संसदीय, राज्य र स्थानीय जिल्लाहरूको गठनमा  (रिडिस्ट्रिक्टिंग) पनि असर गर्दछ।

जनगणनामा तपाईँको सहभागिता सहज, सुरक्षित र महत्वपूर्ण हुन्छ। मार्च 2010 मा U.S. का सबै घरवारहरूमा फारम पठाइनेछ। प्रत्येक घरवारले अप्रेल 1, 2010 भित्रमा पूर्ण भरिएको जनगणना फारम फिर्ता पठाइसक्नुपर्नेछ। 

तपाईँले 2010 जनगणना फारम किन भर्नुपर्छ?

• जनगणनाका तथ्यांकहरू हाम्रो समुदायको राजनैतिक शक्तिसित प्रत्यक्ष रुपमा सम्बन्धित छ।   उदाहरणको लागि, यो नै प्रत्येक राज्यबाट U.S. संसदमा कतिजना प्रतिनिधि हुनुपर्दछ (रिअपोर्शनमन्ट) भनेर निर्धारण गर्ने एकमात्र आधार हो तथा महत्वपूर्ण रुपमा यसैले संसदीय, राज्य र स्थानीय जिल्लाहरूको गठनमा (रिडिस्ट्रिक्टिंग) पनि असर गर्दछ।    

• संघीय कोषको $400 विल्यन भन्दा बढीको वार्षिक रकमलाई विद्यालय, यातायात, जन स्वास्थ्य र अंग्रेजी भाषा शिक्षा र जागिरका तालीमहरू जस्ता अन्य महत्वपूर्ण सामाजिक कार्यक्रमहरूका लागि समुदायहरूमा कस्तो प्रकारले बांडफाँड गरिनेछ भनेर पनि जनगणना तथ्यांकले प्रत्यक्ष असर पार्नेछ।  

• आफुले उपलब्ध गर्ने अंग्रेजी भाषा कक्षा र जागिरका तालीमहरू जस्ता सेवाहरूका लागि स्थानीय सामुदायिक संस्थाहरूले निजी तथा सार्वजनिक स्रोतबाट आर्थिक सहायताको आवेदन गर्न जनगणना तथ्यांकको प्रयोग गर्दछन्।

• क्षेत्रका बालबालिकाहरूको संख्याको आधारमा शिक्षाका लागि नयाँ विद्यालय तथा सुविधाहरूको निर्माण गरिन्छ।

• एशियाली अमेरिकन, पशिफिक आयलैंडर तथा नेटिभ हवाइयन समुदायका मानिसहरूलाई सेवा दिने व्यवसायलाई कुन क्षेत्रमा विस्तार गर्नुपर्छ भनेर जनगणना तथ्यांकले मद्दत गर्दछ।

• आंशिक रुपमा जनगणना तथ्यांककै आधारमा अस्पताल तथा अन्य चिकित्सा सेवा प्रदायकहरूले विशेष एशियाली भाषाका सेवाहरू लागु गर्दछन्।

तपाईँ, तपाईँको परिवार र मित्रहरूलाई जनगणना 2010 का बारेमा आधारभूत तथ्य तथा यसका महत्वबारे जानाउने उद्देश्यले आवश्यक स्रोतहरू संलग्न गरिएको छ।  यसभित्र यी पर्दछन्: 

• फारममा सोधिएको 10 वटा प्रश्नहरूको नमूना
• भाषा सहायता कसरी प्राप्त गर्नु
• उल्था गरिएको सामग्री तथा प्रमाणपत्रहरूको नमूना
• अन्य शैक्षिक सामग्रीहरू

जनगणनामा तपाईँको सहभागिता सहज, सुरक्षित र महत्वपूर्ण हुन्छ।